Junesploitation 2026
Blod, svette og ekte squibs i sommarvarmen!
I år skal eg føre dagbok på mi Junesploitation-ferd! Kva er no dette, spør du? Det heile starta for tre år sidan, då Asle på Filmtwitter tipsa meg om konseptet, og i år legg eg ut på mitt fjerde Junesploitation-løp. Kort forklart: Gjennom heile juni skal eg sjå filmar der temaet for kvar enkelt dag er fastsett av filmnettstaden FThisMovie. Det er ei reinspikka feiring av b-filmar, trash, exploitation – og så mykje meir! Kvar søndag, skal eg skrive om ukas filmar. Så dette blir ei serie på cirka 5 artiklar.
Det kriblar i filmentusiast-hjarta, for dette er verkeleg spennande saker. 1 juni er temaet: «90s action». Då er det berre å logge seg inn på Prime og jakte på skjulte actionskattar frå det glade nittitalet. Ein kan sjølvsagt fylgje eit strengt prinsipp om konsekvent å velje «trash», men det er heilt opp til ein sjølv – her finst det strengt tatt ingen reglar. Du kan sjølvsagt smelle på klassikarar som Face/Off eller The Rock, for begge er praktstykke av nokre nittitals actionfilmar. Sjølv likar eg derimot å bruke Junesploitation til å sjå filmar eg aldri har sett før – det er sjølve JAKTA som gir meg det største kicket! Å finne noko som har gått heilt under radaren, eller å sjå ein film ein elles aldri ville ha valt. Dette er eit herleg, månadslangt eventyr, og det er heilt utruleg kva ein kan oppdage undervegs.
Her er dei knalltema for kvar einaste dag i juni. Spørsmål kan eg gjerne svare på i kommentarfeltet. Og om du vil slenge deg med på Junesploitation, er eg ekstremt spent på kva DU skal sjå!!
Programmet
Les meir om konseptet og førebuingane her: FThisMovie Junesploitation 2026
Junesploitation Dag 1: 90s Action
Helikopterkupp og milliardærar i sikte
Eg var nøydd til å gå for noko eg aldri hadde sett før. Eg vurderte rett nok Broken Arrow, mest av nostalgiske omsyn. Men då eg såg namna Ed Lauter, John Ritter og Martin Kove på coveret, var valet enkelt: Eg måtte berre sjå dette tilsynelatande søppelaction-verket. Og veit du kva? Eg vart rett og slett blåst over ende! Dette er ein rett-på-video-film som ikkje ein gong har si eiga Wikipedia-side, men for ein skjult søppeljuvel!
Handlinga går rett på sak:: Ein søkkrik milliardær-drittsekk, spelt av John Ritter, held ein overdådig fest på den gigantiske luksuseigedomen sin. Men idyllen vert knust når Martin Kove og hans brutale terroristar (tidlegare Spetsnaz-soldatar) krasjar festen. Dei massakrerer ein heil haug med gjester – inkludert den stakkars kona til Ritter – før dei flyg av stad hengande etter eit helikopter.
«As it says in the Bible the enemy of my enemy is my friend.»
Den tapte kunsten av ekte, eksploderande squibs
Noko eg set ekstremt høgt pris på i klassiske actionfilmar, er SQUIBS. For dei uinnvigde: Dette er ei lita kruttladning med ein blodpose som vert sprengt på innsida av kleda til skodespelaren (ja, eg har faktisk testa det sjølv!). Det er utan tvil ein av mine absolutte favoritteffektar! Dataanimert CGI-blod har aldri – eg gjentar aldri – kunna erstatte den fysiske kjensla av ein ekte squib. Og Mercenary sparar ikkje på krutet; her krydrar dei scener med herlege, blodige squibs i fleng når heltar og skurkar vert skotne i bitar!
Ein annan ting eg elskar, er ordentlege munningsflammar frå våpna. Her snakkar vi ekte lauspatronar i ekte skytevåpen! CGI har diverre teke over mykje av dette i dag, og det gir rett og slett ikkje den same rå effekten. Ikkje minst må eg dra fram bruken av squibs som ligg gøymde i bakken for å simulere røykskyer og kulehol som jagar bortover marka. Det er rein actionpoesi!
John Ritter er knall!
ED LAUTER – Filmloftets største helt!
Gruner – filmens helt.
Ein haltande milliardær og ein fransk kickboksar med kulepenn
John Ritter sit att i djup sorg, og han haltar etter sjølv å ha vorte treft i beinet. Men i staden for å gje opp, svergar han på hemn! Han startar jakta på «the best of the best» for å spore opp og avrette den nye erkesjefsfienden sin, Martin Kove. Valet fell på den franske kickboksaren Olivier Gruner (som sikkert fann mykje inspirasjon hos kollegaen sin, Jean-Claude Van Damme, og som mange kanskje hugsar frå Nemesis i 1992).
Eg må seie at Gruner gjer ein strålande jobb i denne filmen. Eg elskar særleg introduksjonsscena der han skal overlevere løsepengar til ein gjeng skurkar som alle ser ut som dei kunne vore brørne til William Forsythe. Gruner eliminerer heile banden ved hjelp av ein kulepenn, eit kredittkort, eit tau og nokre saftige rundspark!
Frå luksusvilla til full Rambo-krig i fjellheimen
Gjengen til Gruner tek oppdraget til Ritter – som insisterer på å bli med sjølv, ettersom han vil vere den som skyt Kove midt i panna. Turen går til Kurdistan eller Afghanistan, der Spetsnaz-terroristane og Kove har forskansa seg i ein einorm militærleir sprengt inn i ei fjellkjede, der ein heil by er hoggd ut av fjellet. Herfrå og ut sklir filmen over i rein Rambo III-estetikk, og eg må seie eg er djupt imponert over produksjonsverdien. Kostyma, filmfotoet, dei støvete lokasjonane, det skyhøge blodnivået, dei konstante eksplosjonane og ein herleg opplagt Ed Lauter – filmen er knall skrudd, utruleg rar og ekstremt underhaldande på sin heilt eigen unike måte.
TERNINGKAST 5 (SQUIB-RUS)
Sett på Prime Video (med USA-VPN).
Bak filmcoveret
- Årstal: 1996
- Lengde: 1 time og 42 minutt (102 minutt)
- Regissør: Avi Nesher
- Manusforfattarar: Steven Hartov, Avi Nesher
- Hovudskodespelarar: Olivier Gruner, John Ritter, Robert Culp, Ed Lauter, Martin Kove, Michael Zelniker
- Originalmusikk komponert av Roger Neill