FILMDAGBOKA

FILMDAGBOKA

Velkomen til Filmdagboka, maskinrommet på Filmloftet. Til vanleg skriv eg filmmeldingar om det som skjer på lerretet her og no. I Filmdagboka tek eg derimot eit steg tilbake. Eg vil gruble litt over kvifor vi brukar så mykje tid i mørkret framfor ein skjerm. Dette er den heilt personlege dagboka mi. Her er det rom for dei lange tankane og djupe dykk ned i filmhistoria.

Her kjem eg tett på sjølve kjernen i filmlidenskapen min. Det handlar om den magiske kjensla i ein kinosal. Eg skriv om den djupe roa filmen gjev, men òg om frustrasjon. For av og til kan den indre kritikaren din rett og slett øydeleggje ei god filmoppleving. Eg trur at film er meir enn berre underhaldning. Han er ein spegel på kven vi er. Filmen fortel oss noko om korleis vi ser på verda rundt oss.

Frå nostalgi til moderne filmkultur

I Filmdagboka er ingenting for stort og ingenting for lite. Her finn du tankar om Oscar-utdelinga. Eg deler historier om filmnettsider eg likar å henge på. I tillegg kjem eg med tankar om korleis det står til med filmen no på 2020-talet. Eg brenn for dei gode filmsamtalane. Dei kan handle om alt frå absurde komediar til den klassiske kjensla av at alt var mykje betre før.

Det er òg her eg er på mitt aller mest personlege. Eg har skrive om korleis Filmloftet vart til. Trangen til å skape noko heilt eige voks fram frå ei vanskeleg tid. For meg er det å skrive om film ein veg til både glede og innsikt. Eg håpar du vil bli med meg på denne reisa djupt inn i filmhjartet. Så inntil vidare legg vi vekk terningkasta. I staden kan vi snakke om kva filmane faktisk gjer med oss.