FILMOMTALAR

FILMOMTALAR

Sjølv om hjartet mitt bankar ekstra hardt for kornete VHS-kassettar og 80-talsnostalgi, så sit eg ikkje berre og gret over gamle dagar her på Filmloftet. Ein må jo lyfte blikket og sjå kva som rører seg på det store lerretet – og på dei uteljelege strøymetenestene som kastar titlar etter oss kvar einaste veke. Ein ekte filmentusiast kan ikkje mure seg inne i fortida; vi må vite kva som skjer her og no.

I denne kategorien finn du mine personlege filmomtalar av alt som er nytt, ferskt og aktuelt. Her er det ingen sjangerreglar som styrer showet. Det kan vere ein storslått blockbuster på kino den eine dagen, og ein smal, mørk indiefilm på Netflix den neste. For meg handlar gode filmomtalar ikkje om kva som er mest korrekt å like, men om kva som faktisk rører noko ved oss – eller kva som berre er knallgod underhaldning.

Tv-seriar og impulskontroll

Som eg har sagt før: Dette er mi frisone. Det betyr at tv-seriar snik seg inn i varmen her òg. Vi lever i ei tid der grensa mellom film og seriar nesten er viska ut. Når seriar som Stranger Things eller Twin Peaks: The Return kjem på banen, så er det jo i røynda snakk om lange, episke filmar delt opp i bitar. Difor får dei sjølvsagt plass her på loftet.

Her er det ingen fastlåste reglar, og eg skriv ofte på den reine impulsen. Det er filmgleda (og av og til filmfrustrasjonen) som bestemmer kva som hamnar under lupa. Eg lovar deg ærlege meldingar, utan for mykje akademisk snikk-snakk. Enten det er snakk om ein genistrek som tek pusten frå meg, eller eit skikkeleg makkverk som aldri burde sett dagens lys, så får du den usminka sanninga her.

For korte og kjappe anmeldelser: Systemloggen (min personlege Letterboxd)